رسايل نكت

الاخر يوم فرحه بعد المعازيم ما مشوا دخل البيت لقى العروسه قاعده قال والله انا كنت عارف فى الهيصه دى هاينسوا حد.
-------------------------------------------------------------------------------------------------------------------------------------------------------
محشش قطع راس اخوه وهو نايم وقعد يضحك ويقول هيتجنن لما يصحى الصبح وميلقيهاش.
--------------------------------------------------------------------------------------------------
واحد مسطول بيدق مسمار فى الحيطه فوقع مسمار على الارض فقاله تعالا ما جاش تعالا ما جاش قام جاب شويه مسامير ورماهم على الارض وقالهم هاتوووووه .
----------------------------------------------------------------------------------------------------------------------------------------------------------------------------
مره واحد ضاعت محفظته راح القسم يعمل محضر فالظابط بيقوله متقلقش يا بلدينا هنجيبهالك من تحت الارض وبعد ما خرج لقى ناس بيحفروا للخط بتاع المترو راح قايلهم الهمه يا رجاله هى سوده وبسوسته .
--------------------------------------------------------------------------------------------------------------------------------------------------------------------------------------------
اتنين طلبه مساطيل قاعدين يكتبوا ورا الاستاذ فى الحصه وكل ما يمسح السبوره يقطعوا الورقه .
-----------------------------------------------------------------------------------------------------
مسطول اشترى تاكسى فى واحده شاورت له فوقف قالها رايحه فين قالتله المهندسين قالها روحى بس ما تتأخريش .
--------------------------------------------------------------------------------------------------------------------------
واحد غبى بيشاور لتاكسى قاله فاضى يأسطى فقاله ايوة فاضى فقاله خلاص تعالا اقعد معايا على القهوة شويه .
----------------------------------------------------------------------------------------------------------------------
مسطول ماشى فى الشارع فلقى واحد ماشى عنده حسنه فوق عينه قرب منه وقاله ياخى عين دى ولا غين؟


------------------------------------------------------------------------------------------------------------------
محشش كان هيخبط واحده بالعربيه قالتله انت ما شوفتنيش قالها ايوة شوفتك بس موش فاكر فين؟


---------------------------------------------------------------------------------------------------------
حرامى دخل على واحد بيحشش فقاله ادينى فلوسك والا هنقتل مراتك فقام الراجل قعد يضحك فالحرامى قتل مراته وقاله ادينى فلوسك والا هنقتل ابنك وصاحبنا نازل ضحك فهكذا حتى خلص على العيله كلها فالحرامى بيقوله ايه يا عم انت موش عايز تدينى فلوسك ليه قاله اطلع من دول يإبراهيم يا نصر .
----------------------------------------------------------------------------------------------------------------------------------------------------------------------------------------------
واحد بلديتنا راح لواحد غنى بيته فلقى اللى فتح الكلب بتاعه ودخله الصالون فصاحبنا لما رجع البلد لقى الكلب بتاعه فقاله خد العبايه روحها البيت فالكلب خد العبايه هو وشويه كلاب وقعدوا يشدوا فيها لحد ما قطعوها الراجل روح البيت بيسأل مراته الكلب مجابش العبايه قالتله عبايه ايه؟ شويه لقى الكلب معاه حته من العبايه فمراته بتقوله خلى بالك من اللحمه للكلب ياكلها فالكلب دخل كل اللحمه والراجل قاعد موش راضى يقوله امشى حتى فمراته بتقوله الكلب كل اللحمه وانت قاعد قالها اصل انا مخاصمه من ساعة ما قطع لى العبايه.
---------------------------------------------------------------------------------------------------------------------------------------------------------------------------------------------
واحد خد الديك بتاعه وراح لواحد سعاتى وقاله الديك ده كان بيأدن كل يوم الساعه 5 دلوقتى يأدن 2 وشويه يأدن 3 خد صلحه فالسعاتى خد منه الديك دبحه وكله ولم العظم فى كيس وحطه ورا الباب بعديها بيومين الراجل راحله قاله صلحت الديك؟ قاله والله فكيته ولسه هنشوفه .
--------------------------------------------------------------------------------------------------------------------------------------------------------------------------------------------
واحد جاب لمراته 2 كيلو لحمه قالها اطبخيهم للعشاء النهارده على ما نصلى ونيجى فمراته وهى بتطبخ كل شويه تقول اما ندوق اللحمه طابت ولا لسه حته فى حته خلصت اللحمه فجوزها لما رجع قالها هاتى ناكلوا فقالت له اسكت انا حطيت اللحمه ودخلت المطبخ جيت لقيت القطه واكلاها فصاحبنا اتجنن قعد يجرى ورا القطه لح ما مسكها وراح وزينها لقاها 2 كيلو فقال لمراته ادى اللحمه طب فين القطه؟


-------------------------------------------------------------------------------------------------------------------------------------------------------------------------------------------
واحد بلديتنا مسافر فى الخارج بعت لاهله عربيه طرد كبريت فأهله بعتوله وقالوله الكبريت اللى انت باعته ما بيولعش قالهم ما بيولعشى كيف وانا مجربه عود عود.
----------------------------------------------------------------------------------------------------------------------------------------------------------------------------
واحد بلديتنا راح لابن عمه وقاله انا مسافر فرنسا وعايز اتعلم الفرنساوى فقاله هو الفرنساوى ده حاجه ياعم اى كلمه حطلها واو ونون بقت فرنساوى قاله بس كده قاله اه صاحبنا سافر لما وصل عايز ياكل دخل المطعم وقال جارسون ادينى واحد رزون ولحمون ومكرون فالجارسون موش فاهم فقاله باردون فقاله لالا ساخنون .
----------------------------------------------------------------------------------------------------------------------------------------------------------------------------------------------
شيخ راح قريه مفيهاش حد بيصلى فقال لهم صلوا وعلى كل صلاه اديكم مقابلها 5 جنيه فطبعا القريه كلها صلت وفى نهايه الشهر كل القريه صلوا الجمعة ومستنين الفلوس فقالهم هم انا اخليكوا تصلوا وكمان عايزين فلوس فواحد قام قاله والله انا كنت عارف انك هتعمل كده وعلشان كده انا كنت بصلى من غير ما نتوضاء . ----------------------------------------------------------------------------------------------------------------------------------------------------------------------------------------------
واحد حب يختبر مراته فغير شكله وراحلها البيت فتحت له ولما دخل وقفلت الباب فالباب خبط فقالت يالهوى جوزى فنط من الشباك .
------------------------------------------------------------------------------------------------------------------------------------------
واحد غبى ماشى بيقول يارب احط ايدى فى جيبى دلوقتى الاقى عشره جنيه والنبى يا رب يارب يارب فحط ايده فى جيبه لقى جيبه مخروم فرجع يدور عليها .
---------------------------------------------------------------------------------------------------------------------------------------------------------------------
واحد راح يكشف على مراته فالدكتور بيقوله اطمن بس انا هديها شريط حبوب منع الحمل فقاله على الطلاق ماهى واخده الشريط قبل ما نسمعه انا الاول .
-----------------------------------------------------------------------------------------------------------------------------------------------------------------
واد بيقول لأبوه يا بابا انا امبارح حلمت انى اتجرحت فى رجلى فأبوه رد عليه وقاله احسن علشان تحرم تنام وانت حافى .
-----------------------------------------------------------------------------------------------------------------------------
واحد بلديتنا لقى خاتم سليمان فجه يدعكه فعص العفريت .
------------------------------------------------------------
واحد اقرع داخل قريه فالناس قالوله يا عم بلاش تدخل القريه دى علشات بيمسكوا الناس القرع يعملوا بجلد راسهم طبله فالراجل قالهم انتم مجانين ودخل القريه فشويه لقى اتنين بيجروا وراه فصاحبنا طلع يجرى لحد ما وصل لشارع سد وهما رايحين يمسكوه طلع مطواه وجه قاطع راسه وقالهم احسن علشان لا تنفع طبله ولا طار .